16 avgust kuni Nukusda yirik sport-ekologik tadbir — “SQB ECO YARIM MARATHON” bo‘lib o‘tdi.

Mamlakatning turli hududlaridan 2000 nafar ishtirokchi start oldi. Kimdir 5 km, kimdir 10 yoki 21 kmni tanladi. Lekin hammani bir narsa birlashtirdi: harakatga, tabiatga va hayotga muhabbat.

Marinadan so'ng yarim marafon musiqa festivaliga aylandi — Shoxruh, Janob Rasul, Doppi Twins va DJ Elizaveta Shus sahnada chiqish qilishdi. SQB (https://t.me/sqbuz) tashkilotchilari Qoraqalpog‘iston Respublikasi Sport vazirligi va ProRun jamoasi ko‘magida bu kunni shunchaki sport kuniga aylantirib qo‘ymay, uni haqiqiy bayramga aylantirishdi.

E’tiborli jihati shundaki, marafon ekologik va ma’rifiy ahamiyatga ega bo‘lib, yig‘ilgan mablag‘lar O‘zbekistonda yashil ekologiyani rivojlantirishga yo‘naltiriladi. Shunday qilib, har bir ishtirokchi toza tabiat uchun haqiqiy harakatning bir qismiga aylandi.

Garchi marra chizig'i ortda qolsa ham, bu kundan boshlab his-tuyg'ular uzoq vaqt davomida ilhomlantiradi! 

Majmua bir vaqtning o‘zida 100 ta avtobus, 150 ta mikroavtobus va 300 ta yengil avtomobilni qabul qilishga mo‘ljallangan.

Shahar chekkasida joylashgan avtovokzalgacha jamoat transporti ham yo‘lga qo‘yildi.

Qonun (O‘RQ–1083-son, 21.08.2025 y.) bilan ayrim qonun hujjatlariga qo‘shimcha va o‘zgartirishlar kiritildi.
🔰 Qonun hujjatlariga kiritilgan qo‘shimchalarga ko‘ra, davlat organlarining mansabdor shaxslari tomonidan nodavlat notijorat tashkilotlarining faoliyatiga qonunga xilof ravishda aralashish:
➖ BHMning 7 baravaridan 10 baravarigacha jarima solishga sabab bo‘lishi belgilandi.

✅ Kiritilgan o‘zgartirishlarga ko‘ra, nodavlat notijorat tashkilotlari (bundan diniy tashkilotlar mustasno), shuningdek ularning vakolatxona va filiallarining davlat ro‘yxatidan o‘tmasdan faoliyat amalga oshirishi:

➖ BHMning 10 baravaridan 25 baravarigacha miqdorda jarima solishga sabab bo‘lishi nazarda tutildi.
📌 Ilgari mazkur huquqbuzarlik uchun jarima miqdori BHMning 15 baravaridan 30 baravarigachani tashkil etgan. 

Bugun Urganch xalqaro aeroportida tarixiy voqea yuz berdi — Ozarbayjonning Azal Airways aviakompaniyasi ilk bor Urganchga  parvozni amalga oshirdi! 
Boku – Urganch – Boku yo‘nalishida amalga oshirilgan ushbu reys aeroportda tantanali tarzda kutib olindi.

 Tashrif doirasida yo‘lovchilarni milliy urf-odatlarimizga xos tarzda non va tuz bilan kutib olish marosimi bo‘lib o‘tdi. Ushbu aviaqatnov nafaqat Xorazm viloyati, balki butun O‘zbekiston turizmi va transport sohalari rivojiga katta hissa qo‘shadi.

 Bundan tashqari, Urganchdan Turkiya va Yevropa davlatlariga ham to‘g‘ridan-to‘g‘ri parvozlar yo‘lga qo‘yilmoqda. 
Bu esa xorijiy sayyohlar oqimini oshirish, shuningdek, xorazmliklarning xalqaro aviaparvozlardan qulay foydalanishini ta’minlashga xizmat qiladi.

Barchani Urganch orqali yangi yo‘nalishlarni kashf etishga chorlaymiz!

Iqtisodiy tadqiqotlar va islohotlar markazi 2017-2024 yillarda O‘zbekistonda turizm sohasida amalga oshirilgan islohotlar natijalarini o‘rgandi.

Tahlillarga ko‘ra, ushbu davrda turizm iqtisodiyotning strategik tarmog‘iga aylandi: xorijiy sayyohlar soni qariyb to‘rt barobarga oshdi, turistik xizmatlar eksporti o‘n baravardan ziyod o‘sdi, sohada bandlik ikki barobarga ko‘paydi. Viza rejimining liberallashuvi, yirik investitsiyalar va infratuzilmani modernizatsiya qilish natijasida O‘zbekiston sayyohlik oqimini jadal oshirishga va xalqaro maydonda o‘z imijini mustahkamlashga erishdi.

So‘nggi yillarda turizm O‘zbekistonda ijtimoiy-iqtisodiy taraqqiyotning ustuvor yo‘nalishlaridan biri bo‘ldi. Mamlakatda turizm sohasini rivojlantirish, uning imkoniyatlarini aholi va jahon jamoatchiligi orasida ommalashtirish bo‘yicha tizimli chora-tadbirlar amalga oshirildi.

2017 yildan boshlab vizaviy rejim liberallashtirildi, infratuzilma modernizatsiya qilindi va ichki hamda xalqaro turizm qo‘llab-quvvatlandi. Bu orqali turizm iqtisodiy diversifikatsiya, ish o‘rinlari yaratish va mamlakatning ijobiy imijini dunyoga targ‘ib etishning strategik sohasiga aylandi.

«To‘siqsiz turizm» infratuzilmasini kengaytirish doirasida 93 mamlakat fuqarolari uchun viza bekor qilindi. Elektron viza orqali 56 mamlakat fuqarolari mamlakatimizga tashrif buyurishi mumkin. 47 davlat fuqarolari uchun tranzit vizasiz besh kungacha turish huquqi beriladi. 76 davlat fuqarolari uchun turistik vizani rasmiylashtirish tartibi soddalashtirildi.

2024 yilda Xitoy Xalq Respublikasining Sian, Pekin, Shanxay, Chansha, Guylin, Guanchjou, Sanya, Shenchjen, Honkong va Chendu shaharlarida yirik turoperatorlar bilan uchrashuvlar o‘tkazilib, O‘zbekistonning turistik salohiyati taqdim etildi.

Yevropa, Shimoliy Amerika, Osiyo-Tinch okeani mintaqasi, Yaqin Sharq, Xitoy va Markaziy Osiyoda «World Media», «Blue Sky», «Sky one», «Wanderlust», «Euronews» kabi yirik mediakorporatsiyalar bilan hamkorlikda O‘zbekistonning xalqaro imiji targ‘ib etildi. Shuningdek, «Ctrip.com», «Holiday factory», «Voyage Prive» kabi onlayn platformalar va xorijiy telekanallar orqali reklama qilindi.

2024 yilning 25-26 aprelida Xiva shahrida«Shahrisabz – Iqtisodiy hamkorlik tashkilotining turistik poytaxti» tadbirlari bo‘lib o‘tdi. 31 may-2 iyun kunlari «Xiva – 2024 yil Islom dunyosi turistik poytaxti» va Islom hamkorlik tashkilotiga a’zo davlatlar turizm vazirlari XII majlisi tashkil etildi.

2023 yil 16-20 oktabrda Samarqand shahrida Jahon turizm tashkiloti (YuNVTO)Bosh Assambleyasining 25-sessiyasi o‘tkazildi. Unda 127 mamlakatdan 1200 dan ortiq ishtirokchi qatnashdi (Ular orasidan 70 dan ortiq delegatsiya vazirlar darajasida, 25 ta delegatsiya a’zo davlatlarning vazir o‘rinbosarlari darajasida, yirik turizm biznesining 120 vakili, mehmondo‘stlik sohasidagi yetakchi xalqaro oliy ta’lim muassasalarining 90 dan ortiq vakili hamda yetakchi xorijiy ommaviy axborot vositalarining 150 vakili qatnashdi). O‘zbekistonni «Ipak yo‘li turizmi» markaziga aylantirish maqsadida Bosh Assambleyaning ushbu sessiyasi doirasida Samarqandda YuNVTO Tematik ofisini ochish va unga diplomatik maqom berish to‘g‘risida qaror qabul qilindi. Shuningdek, Samarqand shahriga «Jahon madaniy turizmi poytaxti» maqomi berish to‘g‘risida deklaratsiya qabul qilindi.

Turistik oqim dinamikasi tahlili asosida 40 dan ortiq mamlakat sayyohlari uchun yangi yo‘nalishlar ishlab chiqildi.  

Respublikadagi umumiy turistik yo‘nalishlar soni 95 taga yetdi.

Ovqatlanish maskanlari va mehmonxonalarda «Halol», «Kosher» va «Vegan» standartlari joriy etilmoqda.

2022 yilning sentabridan «O‘zbekiston bo‘ylab sayohat qil!» dasturi doirasida ichki turizm uchun «Keshbek» tizimi yo‘lga qo‘yildi.

2024 yilda Xitoyning yirik «Trip.com» platformasida O‘zbekiston turizmini targ‘ib qilish dasturi ishga tushirildi.  

Natijada faqatgina ushbu platforma orqali kelgan xitoylik sayyohlar soni 37,7 ming nafarga yetdi. Turizm biznesi vakillari o‘rtasida hamkorlikni kengaytirish maqsadida 3 ta biznes-forum tashkil etildi. Natijada 2024 yilda jami 57 mingdan ziyod xitoylik sayyoh mamlakatimizga tashrif buyurdi (o‘tgan yilga nisbatan 1,6 barobar ko‘p).

2022-2024 yillarda «Toshkent siti», «Samarqand turizm markazi», «Afsonalar vodiysi», «Arda Xiva» va «Miraki turizm markazi» kabi yirik ob’ektlar ishga tushirildi.

Samarqandda yangi xalqaro aeroport, 8 ta mehmonxona, kongress-xoll, park va boshqa hordiq maskanlari faoliyati yo‘lga qo‘yilib, uni «Yangi turizm darvozasi» sifatida tanitdi.

Hududlarda «Turizm mahallasi», «Turizm qishlog‘i», «Turizm ovuli» va «Tabarruk ziyorat» kabi yangi tur mahsulotlar ommalashmoqda.

Jizzax, Navoiy, Qashqadaryo, Samarqand, Surxondaryo, Toshkent va Namangan viloyatlarida 12 ta «turistik qishloq» ish boshladi. Ular yiliga qo‘shimcha 4 mln. sayyohga xizmat ko‘rsatish imkoniga ega.

Mo‘ynoq va Parkent tumanlarida ekstremal turizmni rivojlantirish maqsadida parashyutdan sakrash va aerodayving xizmatlari tashkil etildi.

Turizm qo‘mitasi ma’lumotiga ko‘ra, 2024 yilda O‘zbekistonda 3686 turoperator faoliyat yuritdi (2017 yilda – 749 ta). Ilk bor turoperatorlarning xorijiy sayyohlarni jalb qilish bilan bog‘liq xarajatlarini moliyalashtirish uchun 50 mln. dollarlik 10 yillik kredit ajratildi.

Mehmonxona o‘rinlari soni 2017 yildagi 37 mingdan 2024 yilda 161 mingga yetdi (4,4 barobar o‘sish).

Turizmning iqtisodiyot rivojlanishiga muhim hissalaridan biri, xususan, aholi turmush darajasini oshirish va kambag‘allikka qarshi kurashish jarayonida, aholini ish bilan ta’minlash hisoblanadi. Turizm qo‘mitasi ma’lumotlariga ko‘ra, 2017-2024 yillarda ushbu sohada aholi bandligi 2 barobarga oshgan. 2024 yilda turizm sohasida 391 ming kishi ishlagan (2017 yilda – 187 ming).

Asta-sekin mahalliy va xorijiy sayyohlar soni ortib bormoqda.

2017 yilda 10,6 mln. turist bo‘lsa, 2024 yilda ichki sayyohlar soni 22 mln. nafarga yetdi.

2024 yilda O‘zbekistonga 10,1 mln. xorijiy sayyoh tashrif buyurdi (2017 yilga nisbatan 3,7 barobar ko‘p).

Turizm xizmatlari eksporti 2023 yilda 3,4 mlrd. dollarni tashkil etdi (2019 yilda – 951 mln. dollar, 2021 yilda – 296,4 mln. dollar). 2017-2024 yillarda umumiy eksport hajmi 10,7 mlrd. dollarga yetdi.

Xulosa qilib aytganda, so‘nggi yillarda mamlakatimiz Prezidenti tashabbuslari bilan turizmni rivojlantirishga alohida e’tibor qaratilmoqda, mavjud imkoniyatlarni samarali ishlatish va ularni kengaytirish bo‘yicha zarur chora-tadbirlar amalga oshirilmoqda.

O‘zbekistonda olib borilgan islohotlar turizmni ikkinchi darajali sohadan iqtisodiyotning strategik sektoriga aylantirdi. Turizm milliy iqtisodiyotning «o‘sish nuqtalari»dan biriga aylanib, fuqarolar daromadlarini oshirishga xizmat qilmoqda va yangi ish o‘rinlari yaratishning muhim omillaridan biri bo‘lmoqda. Vizaviy liberallashtirish, yirik investitsiyalar, infratuzilmani modernizatsiya qilish va xalqaro marketing hisobiga mamlakat sayyohlik oqimlarida ta’sirli o‘sishga erishdi va jahon maydonida tan olindi.

Shu bilan birga, barqaror rivojlanish uchun turmahsulotlar assortimentini kengaytirish, xizmatlar sifatini oshirish va global turistik zanjirlarga integratsiya zarur. Turizm yaqin kelajakda O‘zbekistonning ijtimoiy-iqtisodiy o‘sish «lokomotivi»ga aylanish imkoniyatiga ega.

https://uza.uz/uz/posts/turizmni-ozbekistonning-izhtimoiy-iqtisodiy-osish-lokomotiviga-aylantirish-imkoni-bor_763302

 Gullar diyori — Namangan yana sayyohlarni chorlaydi!

📍 “Afsonalar vodiysi” tematik bog‘ida — IV Xalqaro Asal festivali bo‘lib o‘tadi.

🍯 Festival doirasida:
🐝 10 dan ortiq davlat asalarichilari ishtirokidagi asal yarmarkasi
🎓 Xalqaro ekspertlar bilan ilmiy-amaliy anjumanlar
🤝 Xorijiy va mahalliy asal yetishtiruvchilar o’rtasida B2B biznes uchrashuvlari
🎶 Ochiq osmon ostidagi Madaniy shoular
🍲 Osh chempionati va moda ko‘rgazmasi sizni kutmoqda

🏆 Festival yakunida g‘oliblar qimmatbaho sovrinlar bilan taqdirlanadi!

✨ Sizlarni “Afsonalar vodiysi” tematik bog’ida bo’lib o’tadigan IV Xalqaro Asal festivalida kutib qolamiz!
 

🍖 Nurota yurtining mashhur taomlaridan biri bu – tandir kabobi. Maxsus tandirda pishiriladigan bu kabob o‘ziga xos ta’mi, yumshoqligi va rayhon, zira aralashgan hidlari bilan ajralib turadi.

👨‍🍳 Go‘sht avval maxsus ziravorlar bilan marinad qilinadi, so‘ng qizdirilgan tandirda asta-sekinlik bilan, suvsiz, o‘z bug‘ida pishiriladi. Natijada go‘sht juda yumshoq, shirali va mazali bo‘ladi.

📍 Nurotaga borsangiz, albatta tandir kabobini tatib ko‘ring — bu nafaqat taom, balki asrlar davomida saqlanib qolgan milliy taom madaniyatining bir bo‘lagidir.

Har yili an’anaviy tarzda o’tkazib kelinayotgan festival doirasida ma’daniy dasturlar, o’zgacha tamlar, qadimiy Xorazm udumlariga mos turli hil o’yin va tomoshalarga guvoh bo’lasiz!

Bu ka’bi sayl, festival va tadbirlarni o’tkazishdan asosiy maqsad,- yosh avlodlarda milliy qadriyat, vatanga muhabbat hamda qadim a’nanalarni unuttirmaslikdir.

Ushbu uch kun mobaynida Xorazm turizm salohiyatinikeng namoyish qilib, dunyo  turizm bozorida cho’qqiga olib chiqish ko’zda tutilgan!

Hafta yakunida ham ziyorat, ham madaniy hordiq olish imkoniyatini qo’ldan chiqarmang!

Bizdan uzoqlashmang!

Barchani "Qovun sayli" ga taklif qilamiz!

Turizm qo‘mitasi va mutasaddi tashkilotlar bilan hamkorlikda turizm turlarini diversifikatsiya qilish va sayyohlar qolish muddatini uzaytirish maqsadida Buyuk Ipak yo‘lining “Zarafshon – Qoraqum yo‘lagi” bo‘yicha yangi turizm marshrutini o‘z ichiga olgan Navoiy, Samarqand va Buxoro viloyatining turizm halqasi ishlab chiqildi.

Denov tumanining Sina qishlog‘ida Surxondaryo viloyati hokimligi hamkorligida “Milliy taomlar sayli” o‘tkazildi. Tadbirda Termiz shahri va tumanlardan tashrif buyurgan mohir oshpazlar o‘z hududlariga xos milliy taomlarni namoyish etdilar.

Milliy uslubda bezatilgan pavilonlarda pazandalar turli taomlarni tayyorlash jarayonlarini, ularning tayyorlanish usuli, udum va an’analarini ishtirokchilarga amaliy tarzda ko‘rsatib berdi.

Sayl mehmonlari — xorijiy sayyohlar, viloyatimiz va respublikaning turli hududlaridan tashrif buyurganlar — non, patir, somsa, tandir kabob, go‘shtli osh kabi o‘zbek milliy taomlarining tayyorlanish jarayonini tomosha qildilar, ularni tatib ko‘rib, yuqori baholadilar.

Tadbir doirasida milliy o‘yinlar, xalqona musobaqalar va sport bellashuvlari ham tashkil etildi. Bu chiqishlar tomoshabinlarda katta taassurot qoldirdi.

Sayil yakunida “Eng yaxshi taom”, “Eng yaxshi oshpaz” va “Eng ko‘p milliy taom tayyorlagan oshpaz” nominatsiyalari bo‘yicha g‘oliblar aniqlanib, diplom, maxsus statuetka va esdalik sovg‘alari bilan taqdirlandilar.

Foto: Mobil tasvirlar
 

Prezident Shavkat Mirziyoev Toshkent viloyatining Bo‘stonliq tumanidagi yangi turizm majmuasi imkoniyatlari bilan yaqindan tanishdi.

So‘nggi yillarda hududda infratuzilma rivojlantirilib, yilning to‘rt faslida maroqli sayohat uchun qulay sharoit yaratildi. Amirsoy, Chinorkent, Chorvoq darvozasi kabi ulkan majmualar, zamonaviy mehmonxonalar, dam olish va umumiy ovqatlanish maskanlari ishga tushirildi.

Endi bu safga “Chimyon” xalqaro umummavsumiy kurorti ham qo‘shiladi. Fransiyaning “MND” kompaniyasi bilan hamkorlikda amalga oshirilayotgan ushbu loyiha uchun 1 ming 278 gektar maydon ajratilgan.

Loyiha doirasida mehmonxonalar va dengiz sathidan 3 ming 300 metr balandlikkacha osma dor yo‘li quriladi. Bu to‘liq mavsumiy turizmni ta’minlaydi. Qishda chang‘i va snoubord, boshqa oylarda esa tog‘ sayyohligi va ko‘ngilochar hordiq imkoniyatlari paydo bo‘ladi.

Davlatimiz rahbari bu yerdagi mehmonxona, restoran va savdo majmualarini ko‘zdan kechirdi.

Jumladan, 6 qavatli zamonaviy mehmonxona 320 nafar sayyohni qabul qilish imkoniyatiga ega. Unda yil davomida o‘rtacha 45 ming turistga xizmat ko‘rsatilishi rejalashtirilgan. E’tiborlisi, bu yerda “Wyndham” brendi bilan hamkorlikda malakali boshqaruv yo‘lga qo‘yilmoqda. Bu nafaqat xizmat sifati, balki mamlakatimiz turizmining xalqaro nufuzini oshirishda ham muhim sanaladi. Mehmonxonani noyabrda ishga tushirish rejalashtirilgan.

Hududdagi yana bir loyiha doirasida 7 va 5 qavatli apart-otellar, 7 qavatli mehmonxona hamda 2 qavatli restoran qurildi. Ularda ham xizmat sifatini xalqaro standartlar darajasiga olib chiqish rejalashtirilgan. Yil davomida o‘rtacha 54 mingdan ziyod mehmonni qabul qilish mo‘ljallangan. Majmuada 100 dan ortiq kishi ishli bo‘ladi.

Ayni paytda 6 ta shale qurilishi davom etmoqda.

Prezidentimiz yangi majmualar qurish va xizmat ko‘rsatishda ilg‘or tajribalarni qo‘llash, xodimlar malakasini oshirish muhimligini qayd etdi. Hududdagi imkoniyatlarni turizm platformalarida targ‘ib etib, mahalliy va xorijiy sayyohlarni faol jalb etish yuzasidan ko‘rsatmalar berildi.

Shu yerda 300 ta avtomobilga mo‘ljallangan turargoh ham bor. Uning birinchi qavatida restoran, bolalar maydonchasi va savdo majmuasi tashkil etilgan. Bu nafaqat qulaylik, balki turistlar uchun qo‘shimcha xizmatlarni yaxlit taqdim etish imkoniyatini ham beradi.

Umuman, “Chimyon” umummavsumiy kurorti samarasida xizmat ko‘rsatish sohasida minglab yangi ish o‘rinlari, mahalliy aholi uchun barqaror daromad manbai paydo bo‘ladi. Turistlarga eng zamonaviy xizmatlarni taklif etib, mamlakatimizga tashrif buyuruvchi sayyohlar sonini sezilarli oshiradi.

Bo‘stonliqda turizm boshqa sohalar bilan uyg‘un tarzda rivojlanib, butun hududning iqtisodiy qiyofasini o‘zgartirayapti. Savdo va xizmatlar turi, transportlar harakati ko‘payyapti. Shu bois umummavsumiy kurort loyihasi doirasida avtomobil yo‘lida tunnel ham qurildi.

Ushbu inshoot tarkibiga uzunligi 1 ming 450 metr bo‘lgan asosiy yo‘l qismi, 2 ta ko‘prik va piyodalar yo‘laklari kiradi. U hududdagi tog‘ kurortlariga olib boruvchi asosiy yo‘lni qisqartiradi. Xavfsizlikni oshirib, transportlar harakatini yengillashtiradi. Tunnel orqali soatiga 500 dan ziyod avtomashinalar xavfsiz va qulay harakatlanishi mumkin.

Yo‘llar qulayligi hududning turizm salohiyatini to‘la ishga solish va iqtisodiyotni rivojlantirishning muhim omili ekani ta’kidlandi. Shu bilan birga, tabiatni musaffo saqlash, dam oluvchilarning ekologik madaniyatini oshirish muhimligi qayd etildi.

Bu kabi loyihalar turistlarga qulaylik yaratishi barobarida mamlakatimizning investitsiyaviy va madaniy jozibadorligini oshiradi. Bo‘stonliq bugungi kunda tabiiy go‘zalliklari, zamonaviy majmualari va yuksak xizmat madaniyati bilan ana shunday markazga aylanib bormoqda.

Tarixning zamonaviy ko‘rinishi:

Toshkentning sokin va ilmiy ruhi bilan yashayotgan hududlaridan birida, Olimlar ko‘chasida joylashgan Geologiya muzeyi har kimni hayratga soladi.

Bu oddiy bino emas — bu yerda minglab yillar davomida yer qa’rida yashiringan sirlar, tarixlar va topilmalar jamlangan. Bu sayohat nafaqat bilim, balki hayrat, fikr va his-tuyg‘ular bilan to‘lib-toshadi.

Geologiya muzeyining tarixi 1926-yildan boshlanadi. O‘shanda faqat bir xona bo‘lgan bu joy bugun uch qavatli zamonaviy ekspozitsiyaga aylangan.

Har bir zaldan o‘tayotganda, o‘tmish siz bilan sokin, ammo chuqur suhbat qurayotgandek tuyuladi. Qadimgi tog‘ jinslari, noyob minerallar, shliflar va dinozavr suyaklarigacha — bu yerda yer tarixining jonli lavhalari jamlangan.

Yaqin tarixda ham muzey geologiya sohasida bilim olayotgan talabalarga o‘quv mashg‘ulotlari o‘tilgan. Bundan tashqari maktab o‘quvchilariga, talabalarga va tashrifchilarga yerniing paydo bo‘lishi, yerning rivojlanish tarixi, Quyosh sistemasi, Yer shari, tog‘ jinslari, vulqonlar otilishi, zilzilalar, ekologiya, qadimgi hayvonot dunyosi, paleontologiya, yer osti hamda yer usti boyliklari haqida ekskursiyalar o‘tilgan.

Prezidentning 2020-yil 8-iyundagi qarori bilan Geologiya muzeyi yangilangan holda qaytadan tashkil etilgan. Muzeyning yangi binosida bugungi zamonaviy muzeylar talablariga javob beradigan barcha imkoniyatlar yaratilgan. Muzey ekspozitsiyasi yangi konsepsiya asosida tashkil etilgan.

Rasmiy ma’lumotga ko‘ra, bugungi kunda muzey xazinasida 50 mingga yaqin eksponatlar saqlanadi. Bular minerallar, tog‘ jinslari, shliflar, noyob topilmalar va boshqa topilmalardan iborat.

Muzeyning ko‘rgazma zallari binoning 3 qavatiga joylashtirilgan.

Jumladan, birinchi qavatda Yerdagi tabiiy minerallar haqida batafsil ma’lumot beruvchi bo‘lim mavjud. Bundan tashqari, Quyosh tizimidagi sayyoralar, qadimgi suvosti hayvonot dunyosi to‘g‘risidagi bo‘limlar ham mehmonlarga xizmat ko‘rsatadi. Shu bilan birga, ushbu qavatda instagrambop planetariy bor. Unda orqa fonda Quyosh, Yer, Zuhro kabi sayyoralarning kattalashtirilgan yorqin tasviri namoyish etiladi.

Muzeyning 2-qavatiga chiqishingiz bilan g‘orga duch kelasiz. Uning ichiga kirishingiz bilan ibtidoiy odamlar jamoasiga duch kelasiz. Shuningdek, yo‘lak davomida turli mineral toshlar va hayvonlarni uchratish mumkin. Bu yer yaxshi yoritilmagani uchun rasm tushishga biroz qiynalishingiz turgan gap. Biroq tarixga nazar tashlash uchun ajoyib yechim bo‘la oladi.

2-qavatdagi yana bir e’tiborli jihat dinozavrlarning maketlaridir. Ulardan birining boshi 3-qavatgacha chiqqan. Bu orqali qadimgi jonivorlarning haybati tasvirlangan deyish mumkin. So‘nggi qavat asosan minerallarga bag‘ishlangan. Va ularning ko‘rinishi, kelib chiqishi hamda kimyoviy tarkibi haqida batafsil ma’lumot berilgan.

2020-yilda Davlat geologiya muzeyiga O‘zbekiston Respublikasi Madaniy meros agentligi huzuridagi Davlat muzeylarining toifalarini belgilash bo‘yicha maxsus komissiya majlisining qaroriga asosan — “Oliy toifali” muzey guvohnomasi berilgan.

Ish kunlari: Seshanbadan yakshanbagacha (faqatgina dushanba dam olish kuni).

Ish vaqti: 09:00 dan 17:00 gacha, shanba-yakshanba kunlari 09:00 dan 16:00 gacha.

Narxlar:

• kattalarga — 25 ming so‘m;
• talabalarga — 15 ming so‘m;
• o‘quvchilarga — 10 ming so‘m;
• nafaqaxo‘rlarga — 10 ming so‘m;
• 7 yoshgacha bolalarga bepul;
• ekskursiya xizmati — 30 ming so‘m.

Manzil: Toshkent shahri Mirzo Ulug‘bek tumani Olimlar ko‘chasi 64-uy.

Yandex Xarita | Google Xarita Manba: Afisha.uz 

Murojaat uchun telefon: (+998) 93−557−3722.

✨O‘zbekiston Respublikasi turizm sohasini rivojlantirish va ommalashtirish yo‘lida munosib hissa qo‘shgan davlat organlari xodimlari, jamoat tashkilotlari, tadbirkorlik subyektlari, ijtimoiy soha vakillari, ommaviy axborot vositalari hamda chet ellardagi vatandoshlarimiz turizmni targ‘ib etish va faol ish olib borishdagi fidoyiligi uchun “Turizm fidoyisi” ko‘krak nishoni bilan taqdirlandilar.

✨✨Tahririyat jamoasi taqdirlanganlarni "Turizm fidoyisi" ko‘krak nishonini olganliklari bilan samimiy tabriklaydi. Bu turizm sohasini rivojlantirishga qo‘shgan hissangiz va yuksak mahoratingizning e’tirofidir. Sizlarga chin dildan yangi muvaffaqiyatlar, yangi yutuqlar, mustahkam sog‘lik va farovonlik tilaymiz!

 

Unda viloyatdagi qayta ishlovchi korxonalar, ko‘chatchilik xo‘jaliklari, Toyloq, Urgut,  Bulung‘ur, Jomboy va Samarqand tumanidan kelgan dehqonlar o‘z mahsulotlari bilan, shuningdek, meva-sabzavot va kartoshka mahsulotlarini sotish, qayta ishlash va eksport qilish bilan shug‘ullanuvchi mahalliy va xorijiy tadbirkorlar ham ishtirok etdi.

Festival davomida konsert dasturlari, tasviriy va amaliy san’at asarlari namoyishi, folklor guruhlarining jonli ijroda chiqishlari namoyish etildi.

Tumandagi Veterinariya ilmiy-tadqiqot institutining katta majlislar zalida “Toyloq sahovati – meva-sabzavot festivali” mavzusidagi ilmiy konferensiyani o‘tkazildi.

🔹Turizm sohasi 2024-yilda rekord darajadagi 357 million ish o‘rnini ta’minlagan bo‘lsa, 2035-yilga kelib bu ko‘rsatkich 91 million yangi ish o‘rniga yetishi kutilmoqda.

🔹Shunga qaramay, demografik va tarkibiy o‘zgarishlar tufayli 43 milliondan ortiq ishchi kuchi yetishmasligi mumkin. Shu bilan birga, kutilayotgan ishchi kuchi tanqisligi:
▫️8,6 mln - mehmondo‘stlik sohasida;
▫️20 milliondan ortiq - past malakali lavozimlarda;
▫️Xitoyda🇨🇳 16,9 mln, Hindistonda🇮🇳 11 mln, Yevropa Ittifoqida🇪🇺 6,4 mln;
▫️Yaponiya🇯🇵, Gretsiya🇬🇷 va Germaniya🇩🇪 eng katta nisbiy kadrlar tanqisligiga ega davlatlardir.

🔹Kadrlar yetishmasligining asosiy sabablari sifatida quyidagilar ko‘rsatilgan: mehnatga layoqatli aholi sonining kamayishi, kadrlarga bo‘lgan talabning ortishi, ayniqsa avtomatlashtirish imkoni bo‘lmagan sohalarda.

Yoshlarni jalb qilish va sohaning jozibadorligini oshirish, ta’lim va biznes o‘rtasidagi hamkorlikni kengaytirish, raqamli ko‘nikmalar, sun’iy intellekt va barqaror amaliyotlarga sarmoyalarni ko‘paytirish, shuningdek, moslashuvchan kadrlar siyosati va xalqaro ishga qabul qilishni qo‘llab-quvvatlash bo‘yicha chora-tadbirlar taklif etilmoqda.

🔹Ushbu qiyinchiliklarga qaramay, turizm dunyodagi asosiy bandlik omillaridan biri bo‘lib qolmoqda. Barqaror o‘sish uchun davlatlar, biznes va ta’lim tashkilotlari o‘rtasida yanada yaqin hamkorlik zarur.

World Travel & Tourism Council hisoboti: https://wttc.org/news/wttc-report-shows-travel-and-tourism-set-to-support-91mn-new-jobs-by-2035 Tarjimasi: 

 

Ammo 43 million kishining tanqisligi shoshilinch ishchi kuchini rejalashtirish zarurligini ta'kidlaydi.

Rim, Italiya: Butunjahon Sayohat va Turizm Kengashi (WTTC) bugun muhim hisobotini e'lon qildi, unda 2035 yilga kelib bu sektor global miqyosda har uchinchi yangi ish o'rinlarini tashkil etishi mumkin bo'lsa-da, demografik va tarkibiy o'zgarishlar nazorat qilinmasa, 43 milliondan ortiq kishining ishchi kuchi etishmasligiga olib kelishi mumkin.

20 mamlakatga qaratilgan “Sayohat va turizm ishchi kuchining kelajagi” hisoboti bugun Rimda boʻlib oʻtgan Jahon sayyohlik tashkilotining 25-global sammitida taqdim etildi. U Saudiya Arabistoni Qirolligi Turizm vazirligi, Coraggio Group, Miles Partnership va Gonkong politexnika universiteti ko‘magida ishlab chiqarilgan. Hisobot keng ko'lamli global tadqiqotlarga, jumladan biznes rahbarlarining keng ko'lamli so'roviga va WTTC a'zolari va boshqa muhim manfaatdor tomonlar bilan chuqur suhbatlarga asoslangan.

Bu nafaqat sanoat tiklanib, yangi ish o‘rinlari yaratishning global dvigateliga aylanganidan dalolat beradi, balki tarkibiy o‘zgarishlar, jumladan, iqtisodiy o‘sishga nisbatan mehnatga layoqatli aholi sonining qisqarishi sayohat va turizm sohasiga ta’sir qilishda davom etadi, bu esa umumiy iqtisodiyotga nisbatan sezilarli darajada tezroq o‘sishi kutilmoqda.

Misli ko'rilmagan imkoniyatlar sektori

2024-yilda ushbu sektor dunyo bo‘ylab rekord darajadagi 357 million ish o‘rni yaratdi va bu yil 371 million ish o‘rni qo‘shilishi kutilmoqda. Kelgusi oʻn yil ichida sayohat va turizm 91 million yangi ish oʻrinlarini yaratishi kutilmoqda, bu esa butun dunyodagi barcha yangi ish oʻrinlarining uchdan bir qismini tashkil etadi.

2035 yilga borib, sayohat va sayyohlik xodimlariga global talab taklifdan 43 milliondan oshib, ishchi kuchi quvvatidan 16 foizga past bo'ladi.

Hisobotga ko'ra, mehmondo'stlik sanoatida 8,6 million ishchi etishmasligi kutilmoqda, bu talab qilingan darajadan taxminan 18% past.

Sanoat uchun muhim bo'lib qoladigan past malakali lavozimlar eng katta talabga ega bo'ladi. 20 milliondan ortiq qo'shimcha ishchi kerak bo'lishi taxmin qilinmoqda. Odamlarning keng ko'lamli o'zaro ta'sirini talab qiladigan ishlar, shuningdek, avtomatlashtirish qiyin bo'lgan xizmatlar yuqori talabga ega bo'ladi.

Hisobotda ishchi kuchi tanqisligi tahlil qilingan barcha 20 ta yirik iqtisodiyotga ta'sir qilishi ta'kidlangan. Eng katta mutlaq tanqislik Xitoy (16,9 million), Hindiston (11 million) va Yevropa Ittifoqida (6,4 million) prognoz qilinmoqda.

Nisbiy nuqtai nazardan, Yaponiyaning sayohat va turizm sektorida ishchi kuchi taklifi 2035 yilga bo'lgan talabdan 29% past bo'lishi kutilmoqda. Yaponiyadan keyin Gretsiya (-27%) va Germaniya (-26%).

Shunga qaramay, ushbu qiyinchiliklarga qaramay, sayohat va turizm ish o'rinlari yaratishning kuchli manbai bo'lib qolmoqda.

WTTC Bosh direktori vazifasini bajaruvchi Gloriya Gevara shunday dedi: "Sayohat va turizm dunyodagi millionlab odamlarga imkoniyatlar taqdim etuvchi dunyodagi eng yirik ish oʻrinlari yaratuvchilaridan biri boʻlib qoladi. Lekin biz kengroq demografik va tarkibiy oʻzgarishlar hamma joyda mehnat bozorlarini qayta shakllantirayotganini ham tan olishimiz kerak.

"Ko'pgina ishchilar COVID pandemiyasi paytida, sayohat va turizm to'xtab qolganda sanoatni tark etishdi. Endi global ishsizlikning pasayishi va mehnatga layoqatli aholining kamayishi kutilayotgan bir sharoitda, bu mehnat bozoriga, xususan, sayohat va turizm kabi jadal rivojlanayotgan sohalarda qo'shimcha stressni keltirib chiqarmoqda.

"Ushbu hisobot harakatga da'vatdir. Hukumatlar va ta'lim muassasalari bilan hamkorlik qilish orqali sektorimiz ushbu muammolarni hal qilishi va kelajak avlodlar uchun yorqin kelajakni taqdim etuvchi eng istiqbolli tarmoqlardan biri bo'lib qolishi mumkin. WTTC bu bo'shliqni yopish va o'z mamlakatlarida salohiyatni ochish uchun siyosat amalga oshirilishini ta'minlash uchun butun dunyo hukumatlari bilan ishlaydi ".

H.E. Saudiya Arabistoni Podshohligi turizm vaziri Ahmad Al-Xatib qoʻshimcha qildi: "2035 yilga borib har uchinchi yangi ish oʻrinlari sayohat va turizm sohasida boʻladi — boshqa hech bir soha bunday koʻrsatkich bilan maqtana olmaydi. Saudiya Arabistoni 649 mingdan ortiq oʻquv imkoniyatlari va 50 foizga yaqin ayollar mehnati bilan koʻrish va investitsiya orqali nimaga erishish mumkinligini koʻrsatmoqda”.

Sara Meaney, Coraggio Group boshqaruvchi hamkori shunday dedi: "Ushbu hisobot bizga shunchaki statistik ma'lumotlardan ko'ra ko'proq narsani beradi. Bu bizni doimiy o'zgaruvchan muhitda iqtidorli xodimlarni qanday jalb qilish, rivojlantirish va saqlab qolishimizni qayta ko'rib chiqishga undaydi."

"Bu ilhomlantiruvchi, martaba rivojlanishini qo'llab-quvvatlaydigan va bugungi xodimlarning qadriyatlarini aks ettiradigan ish joylarini yaratish uchun sarmoya va majburiyatlarni talab qiladi."

🏢 Миллий статистика қўмитаси маълумотларига кўра, 2025 йилнинг январь-июль ойларида 4,3 млндан зиёд Ўзбекистон фуқаролари туристик мақсадларда чет элга сафар қилган.

📊 Бу кўрсаткич ўтган йилнинг мос даври билан солиштирилганда 954,4 минг нафарга ёки 28,2 % га ошган.

📊 Жорий йилнинг 7 ойида чет элга сафар қилган Ўзбекистон фуқаролари сони мамлакатлар бўйича қуйидагича:

Қирғиз Республикаси — 1 918 904 нафар

Қозоғистон — 799 429 нафар

Тожикистон — 754 123 нафар

Россия — 274 356 нафар

Саудия Арабистони — 151 705 нафар

Туркия — 141 753 нафар

БАА — 82 587 нафар

Миср — 38 081 нафар

Вьетнам — 22 762 нафар

Хитой — 20 484 нафар

Бошқа давлатлар — 132 339 нафар

Surxondaryo viloyati o‘zining tabiiy resurslari, eko va tibbiy turizm yo‘nalishlaridagi boy salohiyati bilan xalqaro investorlarni tobora ko‘proq o‘ziga jalb etmoqda. Jumladan, Xo‘jaikon tuz g‘orida yangi turizm loyihalarini amalga oshirish bo‘yicha qator kompaniyalardan takliflar kelib tushmoqda.

Bugun Surxondaryo viloyati hokimi Ulug‘bek Qosimov ushbu yo‘nalishdagi tashabbuslar bilan viloyatga tashrif buyurgan Kapayurt Soon kompaniyasi direktori, shuningdek import-eksport, investitsiya va onlayn savdo platformalari asoschisi Abdul Karim Sadeqi boshchiligidagi delegatsiyani qabul qildi.

Uchrashuvda investor tomonidan eko va tibbiy turizm sohasida amalga oshirilishi rejalashtirilayotgan loyihalar taqdimoti o‘tkazildi. Shuningdek, ularning texnik-iqtisodiy asoslari hamda istiqboldagi natijalari haqida ma’lumot berildi.

Tomonlar mutaxassislar ishtirokida loyihani chuqur ishlab chiqish, joy tanlash va yo‘nalishlarini aniqlash, shuningdek amalga oshirish bosqichlari yuzasidan keng qamrovli muzokaralar olib borishga kelishib oldilar.

https://gov.uz/uz/surxondaryo

Kapayurt loyihasi haqida ma`lumot: 

An’analardan ilhomlangan innovatsion qishloq – Xo‘jaykonning tarixiy sho‘r tog‘ida tez orada paydo bo‘lib, sayyohlar uchun jozibali, unutilmas va unutilmas maskanga aylanadi. Ushbu qishloq an'anaviy me'moriy uslubda yaratilgan, ammo ayni paytda zamonaviy turmush standartlari bilan uyg'unlashib, qulay dam olish uchun zarur bo'lgan hamma narsani taklif etadi: mahalliy lazzat va shinam dam olish joylariga ega bo'lgan go'zal uylardan an'anaviy do'konlar, mahalliy restoranlar, ko'ngilochar bog'lar, klinikalar, ixtisoslashtirilgan tuz terapiya xonalari, ma'muriy binolar, tuz terapiyasi bo'yicha maslahat markazlari, shuningdek, oziq-ovqat va sanoat tuzlari uchun maxsus o'yin maydonchalari. Kapayurt qishlog‘i Markaziy Osiyoda, ya’ni O‘zbekistonda ilk bor barpo etilmoqda. Ushbu noyob majmua nafaqat an'anaviy qurilish usullaridan ilhomlanib, balki turli oilalar va guruhlar uchun mo'ljallangan, turli o'lchamdagi 540 dan ortiq go'zal inshootlarga ega 50 gektardan ortiq maydonda joylashgan mintaqadagi birinchi turizm va tuz terapiya markaziga aylanadi. U ming yillik tarixga ega millionlab tonna tuz konlari joylashgan tog‘ etagida joylashadi. Loyiha tashqi dizaynning badiiy va ekologik go'zalligini ichki makonlarning xilma-xil va amaliy funksionalligi bilan birlashtiradi. Bundan tashqari, majmuada go‘zal piyoda va velosport yo‘laklari, beg‘ubor tog‘lar bilan o‘ralgan osoyishta yashil landshaftlar bo‘ladi. Bu yerda O‘zbekiston madaniyatining rang-barangligini aks ettiruvchi an’anaviy liboslar ko‘rgazmalari, mahalliy taomlardan tatib ko‘rish va moda namoyishlari o‘tkaziladi. Tashqi gumbazlar nafis me’moriy dizaynga ega bo‘lib, ichki bo‘shliqlar yotoq xonalari, ovqat xonalari, tuz va tuz ingalyatsion kameralari, oshxonalar, an’anaviy vannalar, shuningdek, zamonaviy hojatxonalar bilan to‘liq jihozlangan xonalarni o‘z ichiga oladi. Yer yostig'i qurish ajoyib san'at - bu dunyoning turli mamlakatlarida ko'p yillar davomida qo'llanilib, tinchlik va qulaylik keltiradi, tabiiy isitish va sovutishni ta'minlaydi va hayot sifatini yaxshilaydi, bu juda qimmatli natijalar beradi. Surxondaryo viloyatidagi tarixiy Xo‘jaykon tuz koni yaqinida joylashgan Kapayurt klassik va an’anaviy usullardan foydalangan holda bunyod etilib, sayyohlar jo‘shqin tajribalarni boshdan kechirishlari, dam olishlari va tuz terapiyasining noyob afzalliklaridan bahramand bo‘lishlari mumkin bo‘lgan turizm, sog‘lomlashtirish va dam olish maskaniga aylanadi.

Manzil:  2025-yil 10-12-noyabr kunlari MGIMO-Toshkent (Mirzo Ulug‘bek shoh ko‘chasi, 47). 

🔹KONFERENSIYANING ASOSIY MAQSADLARI:
➢ Ilmiy, tibbiy va turistik hamjamiyatlarni birlashtirish;
➢ Tibbiyot turizmining barqaror rivojlanishidagi muammolar va istiqbollarni muhokama qilish;
➢ Ilg‘or ilmiy va amaliy bilimlar almashish;
➢ O‘zbekistonni xalqaro darajadagi tibbiyot turizmi markazi sifatida qo‘llab-quvvatlash.

🔹TASHKILOTCHILAR:
➢ O‘zbekiston Respublikasi Ekologiya, atrof muhitni muhofaza qilish va iqlim o‘zgarishi vazirligi;
➢ O‘zbekiston Respublikasi Sog‘liqni saqlash vazirligi;
➢ O‘zbekiston Respublikasi Turizm qo‘mitasi;
➢ Turizmni rivojlantirish ilmiy-tadqiqot instituti;
➢ MGIMO Toshkent filiali.

🔹KONFERENSIYA HAMKORLARI:
➢ Toshkent viloyati hokimligi;
➢ Toshkentdagi Singapur menejmentni rivojlantirish instituti;
➢ Alfraganus universiteti;
➢ Qo‘qon universiteti;
➢ Qarshi davlat universiteti;
➢ Tojikiston tadbirkorlik va turizm xalqaro universiteti;
➢ EMU University;
➢ Tibbiyot tashkilotlarini litsenziyalash va akkreditatsiyalash markazi davlat muassasasi;
➢ “Tibbiyot tashkilotlari assotsiatsiyasi” yuridik shaxslarining birlashmasi;
➢ "Science & Innovation" ilmiy jurnali.

🔹Tadbirda taqiqotchilar, yosh olimlar, doktorantlar, professor-o‘qituvchilar, tibbiyot muassasalari, turizm tashkilotlari, hokimiyat organlari vakillari, shuningdek, ixtisoslik yo‘nalishlari talabalari taklif etiladi.

🔹KONFERENSIYANING ASOSIY YO‘NALISHLARI:
1. Tibbiyot turizmi: innovatsiyalar va trendlar
• Tibbiy turizmni rivojlantirishda raqamlashtirish va sun’iy intellektning o‘rni;
• Tibbiy muolajalar va tashxislashda texnologiyalarni rivojlantirish;
• Shaxsiylashtirilgan tibbiyot va uning tibbiy turizmdagi o‘rni;
• Tibbiy xizmatlarni raqamlashtirish va teletibbiyot.

2. Sog‘lomlashtirish turizmi va kasalliklarning oldini olish
• Kasalliklarning oldini olishga ixtisoslashgan kurortlar va markazlar;
• Sog‘lomlashtirishning terapevtik usullari: an’anaviydan tortib yuqori texnologiyalargacha;
• Sog‘lomlashtirishda fitnes va doimiy dam olishning roli;
• Wellness-turizmining zamonaviy yo‘nalishlari va rivojlanish istiqbollari;
• Keksalar uchun mo‘ljallangan tibbiy turizm.

3. Tibbiyot va sog‘lomlashtirish turizmida ekologik yondashuv
• Ekoturizm – tibbiyot va sog‘lomlashtirish turizmining bir qismi sifatida;
• Sanoatdagi barqaror rivojlanish va ekologik mas’uliyat;
• Ekologiya va tabiiy omillarning inson salomatligiga ta’siri;
• Ekologik toza kurortlar va sanatoriyalar yaratish.

4. Tibbiyot turizmi uchun ta’lim va kadrlar
• Tibbiyot turizmi sohasi mutaxassislari uchun ta’lim dasturlari;
• Ekologiya va salomatlik bo‘yicha mutaxassislarni tayyorlash;
• Turizm va tibbiyot sohalaridagi xodimlar uchun professional tayyorgarlik talablari.

🔹KONFERENSIYA DOIRASIDAGI KO‘RGAZMA: Xalqaro ilmiy-amaliy konferensiya doirasida tibbiyot turizmi sohasida innovatsion xizmatlar ko‘rsatuvchi tashkilotlar, klinikalar, sanatoriylar va kompaniyalar ishtirokida ixtisoslashtirilgan ko‘rgazma tashkil etiladi. Ko‘rgazmaning maqsadi - tibbiy turizm sohasidagi zamonaviy yutuqlarni namoyish etish, tajriba almashish, ishbilarmonlik aloqalarini rivojlantirish va qo‘shma loyihalarni ilgari surishga ko‘maklashishdan iborat.

🇺🇿 Yangiliklarimizni kuzatib boring:
Rasmiy (https://tridm.uz/) | Facebook (https://www.facebook.com/groups/tridm.uz) | Telegram (https://t.me/tdiofficial) |Youtube (https://www.youtube.com/channel/UCVa0pTUO2nvqV5d31LWGxwQ) | Instagram (https://www.instagram.com/tourism_development_institute/)

Toshkent viloyati Parkent tumanida  22-23-avgustda  “Uzum sayli” festivali bo‘lib o‘tadi