🏢 Milliy statistika qo‘mitasi ma’lumotlariga ko‘ra, 2025 yilning yanvar–oktabr oylarida jami 237,1 ming nafar O‘zbekiston fuqarolari turistik maqsadlarda Saudiya Arabistoniga safar qilgan.

📊 Bu ko‘rsatkich o‘tgan yilning mos davriga nisbatan 96 ming nafarga yoki 68 foizga oshgan.

📊 Joriy yilning 10 oyida Saudiya Arabistoniga borgan O‘zbekiston fuqarolari safar maqsadlari bo‘yicha quyidagicha:

sayohat – 197,9 ming nafar;

qarindoshlarni yo‘qlash – 38,2 ming nafar;

davolanish – 924 nafar;

xizmat yuzasidan – 66 nafar;

o‘qish – 31 nafar.

O‘zbekiston prezidentining 2025 yil 3 noyabrdagi farmoni bilan 2026 yil 1 yanvardan boshlab AQSh fuqarolari uchun vizasiz tartib belgilandi. Bu haqda O‘zA xabar bermoqda.

Unga muvofiq, AQSh fuqarolari O‘zbekiston hududiga kirgan kundan boshlab 30 kungacha vizasiz bo‘lib turish huquqiga ega bo‘ladi.

Farmonda yangi choraning maqsadi ikki mamlakat o‘rtasidagi savdo-iqtisodiy, madaniy va gumanitar aloqalarni, shuningdek, turizmni yanada rivojlantirish uchun sharoit yaratish ekani aytilgan.

Ma’lumot uchun, 2021 yildan buyon O‘zbekistonda AQSh va boshqa davlatlarning 55 yoshga to‘lgan va 30 kungacha bo‘lgan muddatga sayyohlik maqsadida kelayotgan fuqarolari uchun vizasiz rejim joriy qilingan.

AQShning barcha fuqarolari uchun vizasiz rejim joriy etish rejalari prezidentning joriy yilning may oyida imzolangan, mamlakatga sayyohlar oqimini keskin oshirish to‘g‘risidagi farmonida e’lon qilingandi.

Shu bilan birga, mazkur hujjatda O‘zbekiston Tashqi ishlar vazirligiga AQShga boruvchi O‘zbekiston fuqarolari uchun viza talablarini yengillashtirish bo‘yicha muzokaralar olib borish bo‘yicha topshiriq berilgandi.

Qirg‘iziston O‘zbekistonlik sayyohlar orasida mashhur.

Yil boshidan buyon Qirg‘izistonga Oʻzbekistondan deyarli 995,3 ming kishi tashrif buyurdi.

Shunday qilib, Qirg‘iziston O‘zbekiston fuqarolari uchun eng ko‘p sayohat qilish yo‘nalishlari bo‘yicha 1-o‘rinni egalladi.

O‘zbekiston Madaniyat va san’atni rivojlantirish jamg‘armasi raisi Gayane Umerova Misr Arab Respublikasining Turizm va qadimiy yodgorliklar vaziri Sherif Fathi Attiya bilan uchrashuv o‘tkazdi. 

🔹Suhbat mobaynida madaniyat, muzey ishi, turizm hamda tarixiy-madaniy merosni asrash yo‘nalishlarida ikki tomonlama hamkorlik istiqbollari muhokama qilindi.

🔹Uchrashuvda, ayniqsa, madaniy boyliklarni repatriatsiya qilish masalalari, soha mutaxassislari o‘rtasida tajriba almashish, shuningdek, xalqaro madaniy aloqalarni kengaytirishga xizmat qiluvchi qo‘shma ko‘rgazma va madaniy dasturlarni amalga oshirish imkoniyatlari alohida e’tibor markazida bo‘ldi.

t.me/acdfuz 

“Taraqqiyot strategiyasi” markazida navbatdagi matbuot anjumani bo‘lib o‘tdi. Takomillashayotgan “O‘zbekiston – 2030” strategiyasi loyihasining “Yashil iqtisodiyot”ga o‘tish, transport-logistika tarmoqlarini kengaytirish va turizmni rivojlantirish” yo‘nalishi bo‘yicha o‘tkazilgan tadbirga Transport vazirligi, Energetika vazirligi va Turizm qo‘mitasi mas’ullari taklif etildi.

Ommaviy axborot vositalari vakillari va jurnalistlar qatnashgan tadbirda “Taraqqiyot strategiyasi” markazi bo‘lim boshlig‘i Jamshid Sharipov, Transport vazirligi, Energetika vazirligi va Turizm qo‘mitasi vakillari so‘zga chiqdi.

Matbuot anjumanida “Taraqqiyot strategiyasi” markazi bo‘lim boshlig‘i Jamshid Sharipov “O‘zbekiston – 2030” strategiyasining amaldagi va takomillashtirilayotgan loyihasidagi farqlar, mazkur yo‘nalishlar bo‘yicha belgilanayotgan maqsadli ko‘rsatkichlar hamda jamoatchilik muhokamasi jarayonida kelib tushayotgan takliflarni qisqacha tahlil qildi.

Transport vazirining birinchi o‘rinbosari Mamanbiy Omarov takomillashayotgan Strategiya loyihasida O‘zbekistonning global transport-logistika tarmoqlariga integratsiyasini chuqurlashtirish hamda milliy transport tizimi salohiyatini oshirish ustuvor vazifalardan ekanini ta’kidlab, transport xizmatlari hajmini 301 trillion so‘mgacha oshirish, yo‘lovchi va yuk tashish xizmatlari hajmini 250 trillion so‘mga yetkazish, aviaqatnovlar sonini 200 mingtaga chiqarish, jumladan respublika hududlari o‘rtasidagi reyslar sonini 41 mingtaga yetkazish vazifalari belgilanganini qayd etdi.

Energetika vazirligi kotibiyati boshlig‘i Bekzod Ismoilov yangilanayotgan “O‘zbekiston – 2030” strategiyasida 2030-yilga qadar “yashil iqtisodiyot”ga o‘tish, uning asosini tashkil etuvchi qayta tiklanuvchi energiya manbalaridan foydalanish ko‘rsatkichlarini keskin oshirish hamda iqtisodiyot tarmoqlari va aholini zarur energiya resurslari bilan uzluksiz ta’minlash maqsadlari haqida so‘z yuritdi.

“O‘zbekiston – 2030” strategiyasi doirasida qayta tiklanuvchi energiya manbalari quvvatini 25 ming MVtga yetkazish hamda iqtisodiyot tarmoqlari va aholi ehtiyojlari uchun yetkazib beriladigan elektr energiyasi hajmini 120 milliard kVt·soatgacha oshirish vazifalari belgilangan.

Matbuot anjumanida Turizm qo‘mitasi boshqarma boshlig‘i Oybek Xakimov O‘zbekistonda tashqi va ichki turizmni rivojlantirish uchun keng sharoitlar yaratish, shu orqali sayyohlar sonini oshirishga qaratilayotgan islohotlar haqida ma’lumot berdi.

Ta’kidlaganidek, Strategiyada 2030-yilga borib xorijiy turistlar yillik sonini 20 million nafargacha yetkazish, turizm xizmatlari eksport hajmini 6 milliard dollarga chiqarish hamda hududlarda 4 mingta yangi mehmonxona, mehmon uyi va xostellarni tashkil etish vazifalari belgilangan bo‘lib, bu boradagi ishlarni izchil amalga oshirishda qo‘mita tomonidan tegishli chora-tadbirlar belgilab olingan.

Matbuot anjumani qizg‘in savol-javoblarga boy bo‘ldi. Mas’ullar jurnalistlarning savollariga mamlakatimizning 2030-yilga qadar rivojlanishida tegishli yo‘nalishlar bo‘yicha belgilanayotgan chora-tadbirlardan kelib chiqib, batafsil javob qaytardi.

“Taraqqiyot strategiyasi” markazi
Axborot xizmati

Farg‘ona tumanining turizm salohiyatidan samarali foydalanish, tog‘li hududlarning zaxira imkoniyatlarini ishga tushirish, aholini xizmat ko‘rsatish va tadbirkorlik faoliyatiga keng jalb qilish, tumanning investitsiyaviy jozibadorligini oshirish, master reja asosida xizmat ko‘rsatish majmualarini tashkil qilish, xalqaro kurort zonasini rivojlantirish hamda yangi ish o‘rinlarini yaratish maqsadida O‘zbekiston Respublikasi Prezidentining 2026-yil 12-yanvar kuni “Farg‘ona” turistik-rekreatsion zonasini tashkil etish chora-tadbirlari to‘g‘risida”gi qarori qabul qilindi.

Qarorga muvofiq, “Farg‘ona” turistik-rekreatsion zonasi (turistik zona) umumiy 2396 gektar maydonda faoliyat ko‘rsatish muddatini keyinchalik uzaytirish imkoniyati bilan 30 yilga tashkil qilinadi.

Farg‘ona tumanida “Vodil” malina agroturizm klasterini turistik obyektga aylantirish uchun zarur infratuzilma yaratiladi va salohiyatli tadbirkorlarni jalb etgan holda malina bog‘lari (plantatsiyalari) hududida yengil konstruksiyali xizmat ko‘rsatish obyektlari tashkil qilinadi.

2026–2027-yillarda Yozyovon tumani Markaziy Farg‘ona suv ombori atrofidagi yer maydonlarida turizm xizmatlarini tashkil qilish orqali ish o‘rinlari yaratiladi.

Shuningdek, Farg‘ona tumani “Sanoat” va “Hosilot” MFY hududlarida xorijiy mamlakatlarning ijobiy tajribasi asosida malina plantatsiyalarini tashkil qilish, muzlatkichlar va chuqur qayta ishlash sexlarini qurish orqali agroturizm xizmatlari yo‘lga qo‘yiladi.

Mazkur tashabbuslar hududda turizm va agrosanoat kooperatsiyasini kuchaytirish, tadbirkorlikni qo‘llab-quvvatlash hamda mahalliy aholi bandligini oshirishga xizmat qilishi kutilmoqda.

Integratsiyalashgan post-tuzilmaviy kompaniyasi "BRB-Kapital" tuzilmaviy bank rivojlanishi kompaniyasining sho''ba korxonasi hisoblanadi.

Inshoot foydalanishga tayyor va barcha muhandislik-kommunikatsiya tarmoqlariga ulangan.

Bu investorlar, faol biznes egalari va Xivy markazi uchun ajoyib imkoniyatdir. Majmua goʻzal Gʻovuk koʻli boʻyida va Xiva shahrining sayyohlik oqimi markazida joylashgan.

Majmuada yopiq akvapark, tematik park va restoran-ovqatlar korti mavjud. Uchastka Umumiy maydoni: 7291 kvadrat metr.

📱+998910064500
📱+998903156880

@makarenko_channel

🔸Toshkent xalqaro aeroportining ikkinchi qavatida, jo‘nab ketish zalining VIP va CIP zallari yonida joylashgan kassada endilikda 15 ta aviakompaniya chiptalarini xarid qilish mumkin. Bular, “Uzbekistan Airways”, “Silk Avia”, “Centrum Air”, “Qanot Sharq”, “Air Samarkand”, “Turkish Airlines”, “Asiana Airlines”, “Lot Airlines”, “Belavia”, “Air Astana”, “Aeroflot”, “Ural Airlines”, “S7”, “Red Wings”, “Utair” aviakompaniyalaridir. 

🔸Toshkent aeroportidagi chiptalar kassasi haftasiga yetti kun, 24 soat ishlaydi. 

(https://t.me/uzbairportsuz/5965)

Samarqand viloyatida turizm sohasini diversifikatsiya qilish, ekstremal sport turlarini rivojlantirish hamda hududning turizm salohiyatini yanada oshirish maqsadida paraplan sporti bo‘yicha musobaqa o‘tkazishga qaratilgan tayyorgarlik ishlari boshlab yuborildi. Mazkur tashabbus doirasida Samarqand viloyati Turizm boshqarmasi boshlig‘i o‘rinbosari J.Suyunov tegishli vazirlik va idoralar, soha mutaxassislari hamda hamkor tashkilotlar vakillari bilan birgalikda Urgut tog‘lari hududida joylashgan, paraplan musobaqasi o‘tkazilishi rejalashtirilgan manzillarni joyida o‘rganib chiqdi.

O‘rganish jarayonida hududning tabiiy-relyef sharoitlari, shamol oqimlari, parvoz yo‘nalishlari, qo‘nish maydonchalari hamda xavfsizlik talablariga muvofiqligi atroflicha tahlil qilindi. 

Shuningdek, mazkur hududda O‘zbekiston Paraplan federatsiyasining hududiy filialini tashkil etish bo‘yicha muzokaralar olib borildi. Ushbu filial faoliyatini yo‘lga qo‘yish orqali paraplan sportini tizimli asosda rivojlantirish, yosh sportchilarni tayyorlash, malakali instruktorlar faoliyatini kengaytirish hamda respublika va xalqaro miqyosdagi musobaqalarni Samarqand viloyatida doimiy ravishda o‘tkazish imkoniyatlarini yaratish rejalashtirilmoqda.

Bundan tashqari, tog‘ etagida eko village — ekologik turizm qishlog‘ini barpo etish masalasi ham atroflicha muhokama qilindi. Mazkur loyiha doirasida ekologik toza materiallardan qurilgan mehmon uylari, dam olish zonalari, milliy taomlar maskanlari hamda tabiat bilan uyg‘un sayyohlik infratuzilmasini yaratish ko‘zda tutilmoqda. Eko village nafaqat paraplan sporti ishtirokchilari va tomoshabinlari, balki viloyatga tashrif buyuruvchi mahalliy va xorijiy sayyohlar uchun ham qulay dam olish maskaniga aylanishi kutilmoqda.

Shuningdek, tumanning Soy G'o's qishlog'ida ham o'rganishlar olib borilib, mazkur hududda ham yirik turizm loyihalari yuzasidan muhokama olib borildi. 

Ta’kidlash joizki, ushbu tashabbuslar Samarqand viloyatida paraplan sportini rivojlantirish, ekstremal va ekoturizm yo‘nalishlarini kengaytirish, yangi ish o‘rinlarini yaratish hamda hududning investitsiyaviy va turizm jozibadorligini oshirishga xizmat qiladi. Shu bilan birga, paraplan musobaqalarining o‘tkazilishi viloyatning xalqaro turizm maydonidagi nufuzini yanada mustahkamlab, mahalliy hamda xorijiy sayyohlar oqimini ko‘paytirishga zamin yaratadi.

Mazkur yo‘nalishdagi ishlar bosqichma-bosqich amalga oshirilishi, belgilangan chora-tadbirlar asosida paraplan sporti va ekstremal turizm infratuzilmasi izchil rivojlantirilishi rejalashtirilmoqda.
 
 

Jizzax viloyati turizm salohiyatini rivojlantirish, mahalliy va xorijiy turistlar sonini yanada oshirish hamda turizm sohasida faoliyat yuritayotgan tadbirkorlik subyektlari uchun qo‘shimcha sharoitlar yaratish maqsadida Sharof Rashidov tumanida yangi yirik turistik kompleks “Rancho Tour” foydalanishga topshirildi.
 

Joriy yilda mazkur maskanda keng ko‘lamli qurilish va obodonlashtirish ishlari olib borilib, aholi uchun qulay dam olish hududiga aylantirildi. Xususan, turistik maskanga olib boruvchi yo‘llar asfaltlandi, 131 gektar foydalanilmay turgan lalmi va tog‘ adirlik yerlari ko‘kalamzorlashtirildi, 50 gektar maydonda 30 dan ortiq turdagi manzarali va mevali bog‘lar barpo etildi.

1 gektar maydonda baliq ovlash uchun maxsus hudud, hayvonot bog‘i, zamonaviy 4 bosqichli ziplayn hamda uning yakuniy nuqtasiga o‘rnatilgan umumiy ovqatlanish va xizmat ko‘rsatish shoxobchalari tashkil etildi.

Yoshlar va ekstremal sport ishqibozlari uchun qoyatoshga chiqish yo‘laklari, Jizzax shahri manzarasini yuqoridan tomosha qilish imkonini beruvchi havo sharida sayr, shuningdek, 2,5 km masofada kvadrosiklda sayohat qilish xizmatlari yo‘lga qo‘yildi.

Ta’kidlash joizki so‘nggi yillarda Jizzax viloyatida turizm sohasi iqtisodiyotning asosiy drayverlaridan biriga aylanib bormoqda. Joriy yilda viloyatga 472 ming nafar xorijiy, 1,6 million mahalliy sayyoh tashrif buyurdi. Turizm xizmatlari eksporti 70 million dollarga yetdi.

Shu bilan birga, joriy yilda jami 49 ta, 1274 o‘rinli joylashtirish maskanlari foydalanishga topshirildi, 500 dan ortiq yangi ish o‘rinlari yaratildi. Bugungi kunda viloyatda mehmonxona, xostel, kemping va oilaviy mehmon uylari soni 312 taga, joylar soni esa 7657 taga yetdi.

Mamlakatimizda turizmni strategik tarmoq sifatida yanada rivojlantirish, “Umra plyus” ziyorat turizmi dasturi orqali sayyohlar oqimini oshirish, ziyorat turizmi infratuzilmasi va xizmatlarini takomillashtirish, shuningdek, O‘zbekiston Respublikasi Prezidentining “O‘zbekiston Respublikasida ichki va ziyorat turizmini yanada rivojlantirish chora-tadbirlari to‘g‘risida” 2021-yil 9-fevraldagi PF-6165-son Farmoni ijrosini ta’minlash maqsadida O‘zbekiston Respublikasi Vazirlar Mahkamasining “Umra plyus” ziyorat turizmi dasturini amalga oshirishga qaratilgan qo‘shimcha chora-tadbirlar to‘g‘risidagi qarori qabul qilindi.

Unga ko‘ra, 2026-2027-yillarda Malayziya va Indoneziyadan “ziyorat turizmi” yo‘nalishida sayyohlar oqimini 100 ming nafarga yetkazish bo‘yicha “yo‘l xaritasi” tasdiqlandi.

Qarorda belgilanishicha, 2026-yil yakuniga qadar Turizm qo‘mitasi tomonidan Malayziya va Indoneziyadan “Umra plyus” ziyorat turizmi dasturi asosida sayyohlarni jalb qilayotgan turoperatorlarga har bir sayyoh uchun 100 AQSH dollari miqdorida subsidiya ajratiladi.

Malayziyalik va indoneziyalik sayohatchilarning Ramazon hayiti va Qurbon hayiti bayramlarini O‘zbekistonda o‘tkazishi yuzasidan choralar ko‘riladi. Malayziya va Indoneziyada “Imom Buxoriy izidan” va “Ramazonni O‘zbekistonda o‘tkaz” tematik turizm targ‘iboti kampaniyalari tashkil etiladi. Malayziyaning musulmon aholisi ko‘p bo‘lgan hududlarida ziyorat turizmi bo‘yicha alohida roadshoular tashkil etiladi.

“Umra plyus” ziyorat turizmi dasturi doirasida Toshkent shahri va Samarqand, Buxoro viloyatlaridagi obyektlarni o‘z ichiga olgan turizm marshrutlari ishlab chiqiladi. Madaniy meros agentligi, Toshkent shahri, Samarqand va Buxoro viloyatlari hokimliklari bilan birgalikda dastur ishtirokchilari uchun qish (20-noyabrdan 20-fevralgacha) va yoz fasllarining (iyul oyi) nomavsumiy oylarida madaniy meros obyektlari, mehmonxona, ovqatlanish va boshqa xizmatlar uchun ixtiyoriy chegirmalar joriy etiladi.

Transport vazirligi, Tashqi ishlar vazirligi va Turizm qo‘mitasi bilan birgalikda 2 hafta muddatda dastur uchun mahalliy yoki xorijiy aviakompaniyaning 10 ta aviabortini, shu jumladan ijaraga olish orqali jalb qilishni ta’minlaydi. Shuningdek, Kuala Lumpur—Samarqand—Kuala Lumpur va Kuala Lumpur—Buxoro—Jidda— Kuala Lumpur hamda Jakarta—Samarqand—Jidda—Jakarta va Jakarta—Buxoro—Jidda—Jakarta turistik marshrutlari bo‘ylab aviaqatnovlarni raqobatdosh narxlarda ishlab chiqilishini hamda dasturda ishtirok etuvchi turkompaniyalarga taqdim etilishini ta’minlaydi.

25-dekabr kuni navbatdagi “Avtomobilsiz kun” aksiyasi bo‘lib o‘tadi

Tadbir har oyning to‘rtinchi chorshanba kuni Qoraqalpog‘iston Respublikasi, viloyatlar markazlari va Toshkent shahrida avtotransport vositalaridan atmosferaga chiqayotgan zararli chiqindilarning salbiy ta’sirini kamaytirish, shaharlarda shovqin darajasini pasaytirish va atrof-muhit muhofazasini yaxshilash maqsadida o‘tkaziladi.

Aksiya doirasida Qoraqalpog‘iston Respublikasi, viloyatlar markazlari va Toshkent shahridagi davlat tashkilotlarining barcha rahbar va xodimlariga, barcha yurtdoshlarimizga shaxsiy avtomashinalardan voz kechib, jamoat transporti, velosiped kabi vositalardan foydalanish yoki piyoda harakatlanish tavsiya etiladi.

 “Avtomobilsiz kun” aksiyasiga qoʻshiling va atrof-muhitni muhofaza qilishga hissa qoʻshing! Mashinangizni uyda qoldiring va ekologik toza usullarni tanlang. Birgalikda shaharlarimiz havosini yanada ekologik toza saqlay olamiz.

Sarhisob-2025: Surxondaryoda turizm sohasida amalga oshirilgan ishlar va erishilgan natijalar 

Surxondaryo viloyatida turizm sohasini rivojlantirish, hududning ichki va tashqi turistik salohiyatini oshirish borasida muhim natijalarga erishildi.

Xususan, yil davomida 3 million nafar mahalliy, 918 ming nafar xorijiy turist jalb etilib, 150 million AQSh dollari miqdorida turistik eksport hajmi shakllantirildi.

Viloyatda 10 ta madaniy-ko‘ngilochar tadbir tashkil etildi. Shuningdek, “Sayrob”, “Chorbog‘” va “Nilu” qishloqlariga “Turizm qishlog‘i” maqomi berilib, ularning umumiy soni 6 taga yetkazildi. Aholi va mehmonlar uchun qulay infratuzilma yaratish maqsadida 9 ta zamonaviy turizm ko‘chasi barpo etildi.

Turistik xizmatlar ko‘lamini kengaytirish doirasida 11 ta mehmonxona, 12 ta mehmon uyi va 11 ta xostel, jami 34 ta joylashtirish vositasi ishga tushirildi.

Bundan tashqari, Surxondaryoning boy tarixiy-madaniy va tabiiy turistik salohiyati dunyoning rivojlangan mamlakatlarida keng targ‘ib qilindi.

🤩 Milliy statistika qo‘mitasi ma’lumotlariga ko‘ra, 2025 yilning yanvar–sentabr oylarida jami 9,5 ming nafar O‘zbekiston fuqarolari turistik maqsadlarda Qatarga safar qilgan.

Bu ko‘rsatkich o‘tgan yilning mos davriga nisbatan 6,9 ming nafarga yoki qariyb 3,7 barobarga oshgan.

Ularning safar maqsadlari bo‘yicha taqsimlanishi quyidagicha:

sayohat – 8,1 ming nafar;

qarindoshlarni yo‘qlash – 1,1 ming nafar;

xizmat yuzasidan – 130 nafar;

o‘qish – 110 nafar;

davolanish – 4 nafar.

So‘ngi yillarda dunyoda eng yirik turizm bozorlari bo‘lmish Xitoydan sayyohlarni jalb qilish bo‘yicha ishlar ko‘lami sezilarli kengaygan. Jumladan, 2025-yil “Xitoyda O‘zbekiston turizm yili” deb e’lon qilindi. Yil davomida Xitoyning yirik shaharlari va provinsiyalarida turizm roudshoulari o‘tkazildi, Sian, Guanchjou, Gonkong shaharlaridagi salmoqli turizm ko‘rgazmalarida mamlakat milliy stendi bilan ishtirok etildi.

Albatta, ikki mamlakat turizm tadbirkorlari o‘rtasida bevosita aloqalarning kengayishi uchun zarur imkoniyatlar yaratilayotganligi, bu yo‘nalishdagi sa’y-harakatlarning davomiyligini ta’minlamoqda. Masalan, shu kungacha o‘tkazilgan tadbirlarda 500 ortiq Xitoy turkompaniyalari bilan B2B-muzokaralar tashkil etilib, 40 dan ortiq hamkorlik bitimlari imzolandi.

Qolaversa, 2025-yil 1-iyunidan O‘zbekiston va Xitoy o‘rtasida vizasiz rejim joriy etilganligi soha vakillari uchun juda katta imkoniyatlarni ochib bermoqda.

Natijada, 2025-yil yanvar-oktyabr oylari davomida yurtimizga Xitoydan 217 ming nafar turist tashrif buyurdi. Yil yakuniga qadar esa mazkur ko‘rsatgich 250 minga yetishi kutilmoqda.

E’tiborlisi, Turizm yili davomida erishilgan natijalar joriy yildagi maqsadli ko‘rsatkich – 180 ming nafardan 40% ga ko‘p va o‘tgan yilgi ko‘rsatgichlarga nisbatan 3,7 baravar o‘sishni ta’minladi. Bu esa davlatimiz rahbari tomonidan soha oldiga qo‘ygan yirik maqsad – Xitoydan 1 million sayyoh jalb qilishdagi qadamlar jadallashganidan dalolatdir.

2025 - yilning 31- yanvar  2- fevral kunlari Pokistonning Karachi  shahrida  “Pakistan travel mart”  turizm ko‘rgazmasi bo‘lib o‘tadi.  Shuningdek 2025-yil 4- 5 - fevral kunlari Pokistonning Laxor shahrida “Madaniyatni bog‘lash va sayohat orqali mahalliy hamjamiyatlarni qo‘llab-quvvatlash” mavzusida “road shou” o‘tkazilishi rejalashtirilgan.  Nufuzli xalqaro turizm ko‘rgazmasida ishtirok etishga shoshiling! 

2025-yilning 31-yanvaridan 2-fevraliga qadar Pokistonning Karachi shahrida "Pakistan Travel Mart" turizm ko‘rgazmasi bo‘lib o‘tadi. Ushbu ko‘rgazma turizm sohasidagi eng nufuzli tadbirlardan biri bo‘lib, unda turli mamlakatlardan sayyohlik kompaniyalari, agentliklar, mehmonxona tarmoqlari va boshqa turizm sohasidagi vakillar ishtirok etadi.

Shuningdek, 2025-yilning 4-5-fevral kunlari Pokistonning Laxor shahrida "Madaniyatni bog‘lash va sayohat orqali mahalliy hamjamiyatlarni qo‘llab-quvvatlash" mavzusida "road show" tashkil etilishi rejalashtirilgan. Bu tadbirda turizm, madaniyat va mahalliy hamjamiyatlarni rivojlantirish masalalari muhokama qilinadi.

Agar siz turizm sohasida faoliyat yuritsangiz yoki ushbu sohada yangi imkoniyatlar qidirsangiz, ushbu tadbirda ishtirok etish imkoniyatini qo‘ldan boy bermang!

Batafsil: https://pakistantravelmart.co

14—15-sentabr kunlari Qoraqalpog‘istonning Barsakelmas sho‘r maydonlarida “Sayyoramiz kelajagiga qo‘shgan hissamiz” xalqaro ekomarafoni bo‘lib o‘tdi va unda rekord darajadagi ishtirokchilar – 11 davlatdan 250 nafar yuguruvchi qatnashdi. Ular orasida Adidas kompaniyasidan Farah Majid, Nike Ambassador, G‘ani Sulaymon kabi taniqli shaxslar borligi tadbirga alohida ahamiyat berdi.

Ishtirokchilar o'z uyi lagerida qolish, madaniy dastur va etnoshoudan bahramand bo'lish, shuningdek, sho'r botqoq bo'ylab ekskursiya qilish imkoniga ega bo'ldilar. Marafon to'rt masofani o'z ichiga oldi: 42 km, 21 km, shuningdek, 5 va 10 km poygalar, bu ham professionallar, ham havaskorlar uchun qulay bo'ldi.

Ushbu tadbir nafaqat sport bayrami, balki ekologik muammolarga, noyob tabiiy maskanlarni asrab-avaylashga e’tibor qaratishga qaratilgan muhim tadbirga aylandi. Tashkilotchilar – Ekologiya, atrof-muhitni muhofaza qilish va iqlim o‘zgarishi vazirligi, “ProRun” yugurish maktabi va “O‘zbekneftgaz” AJ sayyoramiz kelajagi uchun qo‘shma harakatda yuguruvchilar va ekoturistlarni birlashtirishga intildi.

• 1-taom

• Manti

  

  Manti - bu turkiy va musulmon xalqlari oshxonalarida mashhur bo‘lgan klassik taom: Kavkaz, Turkiya, Mo‘g‘uliston, O‘zbekiston va hatto Xitoy va Koreyada. Rossiyada va postsovet hududida manti sobiq Sovet Ittifoqi Markaziy Osiyo respublikalaridan kelgan juda mashhur taomdir. Taomning kelib chiqishi hali nomaʼlum. Ko‘pgina faktlar, shu jumladan etimologik dalillar, ushbu retsept Xitoyda paydo bo‘lganligini va Buyuk Ipak yo‘li bo‘ylab yana-da keng tarqalganligini ko‘rsatadi. Anʼanaga ko‘ra manti manti pishirgichi, manti pishiruvchisi, manti qozon yoki manti-kaskan deb nomlangan maxsus moslamada pishiriladi. Manti qozon odatda ko‘p qavatli. Suv pastki kameraga quyiladi va yuqori bo‘linmalarda bug‘ oqadigan teshiklar mavjud (lappaylar) bo‘lib, ular ovqat pishirishga imkon beradi. Manti qozonda bir vaqtning o‘zida 40 yoki undan ortiq manti pishirish mumkin. Mantining masalliqlariga qarab kòk manti , goʻshtli manti, qovoqli manti ,yalpiz manti va kartoshkali manti kabi turlari bor.

• 2-taom

• Kesma lagʻmon

  

  Ushbu lag‘mon haqiqiy o‘zbek pazandaligiga xos bo‘lib, juda qadim davrlarda kelib chiqqan. G‘oyat to‘q tutar va serlazzat bo‘lib, mehmon dasturxoniga qo‘ysa arzigulik taom. Yilning to‘rtala faslida ham tayyorlasa bo‘ladi. Bunday lag‘mon Farg‘ona vodiysida ko‘proq tayyorlanadi. Kesma lag‘monning tayyorlanishi quyidagicha: xamirni xuddi chuchvaraga tayyorlagandek qilib qoriladi, tindirib, so‘ng o‘qlov yordamida 2-3 mm qilib yoyiladi. Yoymani taxlab eni 4-5 mm keladigan uzun-uzun tasmalar kesiladi, bir-biriga yopishib ketmasligi uchun urvoqqa belanadi. Shunday kesilgan ugrani qaynab turgan tuzli suvga solib pishiriladi, yuziga qalqib chiqqanda chovlida suzib olib sovuq suvda 2-3 bor chayqab yuborilgandan so‘ng sirqitib qo‘yiladi. Qaylasi bunday tayyorlanadi: piyozni halqa-halka, go‘shtni bodom kattaligida lo‘nda-lo‘nda qilib, pomidorni tilik-tilik, kartoshkani o‘rtacha (1,5 X 1,5 X 1,5 sm), turpni kichik (0,5 X 0,5 X 0,5 sm) kubik shaklda to‘g‘raladi, karam, chuchuk garmdori va sarimsoqni mayda chopiladi. Qozonda yog‘ni dog‘lab piyoz tashlanadi, uncha qizarmasdan turib go‘shtni solinadi, seli chiqa boshlaganda sarimsoq bilan pomidorni solib to pomidor ezilib seli chiqkuncha jazlanadi. Qishda pomidor o‘rniga tomat ishlatish mumkin. So‘ngra turp, chuchuk garmdori va karamni solib, kovlab chala pishguncha qovuriladi-da, biroz suv quyib sust olovda miltiratib, barcha masalliq to‘la yumshaguncha qaynatiladi. Agar suvi bug‘lanib ketsa, har bir masalliq to‘la yumshaguncha qaynatiladi. Agar suvi bo‘g‘lanib ketsa, bir oz issiq suv qo‘shiladi. Tuzini rostlab qalampir sepiladi. Qayla juda ham suyuq yoki o‘ta quyuq bo‘lmay, o‘rtacha bo‘lishiga e’tibor berish lozim. Dasturxonga tortishda tayyor ugrani qaynoq suvga pishib, ilitib olgach, laganga bir qavat qilib solinadi, ikkinchi qavatiga qayladan solinadi, ustidan uchinchi qavat yana ugra solib tepasi — to‘rtinchi qavatiga yana qayla solinadi, chopilgan oshko‘klardan sepib keltiriladi.

• Desert

• Yupqa

  

  Yupqa — xamir, goʻsht va piyozdan tayyorlanadigan taom. Goʻshtni goʻsht qiymalagichdan oʻtkazib, mayda toʻgʻralgan piyoz, murch bilan aralashtiriladi va qovurib olib qoʻyiladi. Xamirdan 30 g li zuvalachalar yasalib, yupqa qilib yoyiladi. Qizigan qozonga yarim qoshiq yogʻ surtib, yoyilgan xamirlardan biri ikkala tomonidan yaxshilab singitib pishiriladi. Soʻngra qozonga ikkinchi Yu.ni solib pishiriladi va qozonda qoldirilib, betiga tayyor qiymadan bir tekis solinib, ustiga birinchi pishirilgani yopiladi. Buning betiga ham qiymadan solib yana navbatdagi yoyilgan xamir yopiladi va pishirish uchun agʻdariladi. Qavatlar so

Farg‘ona viloyati hokimi o‘rinbosari Xurshidjon Axmedov boshchiligidagi Farg‘onalik turizm sohasi vakillari Toshkentda bo'lib o‘tayotgan xalqaro turizm yarmarkasida xorijiy turizm kompaniyalari bilan bir qator muvofiqlashtirilgan shartnomalar imzoladilar. Bu hamkorliklar viloyatimizning turizm salohiyatini jahon miqyosida keng tanitishga xizmat qiladi. 🌍

Shuningdek, Xurshidjon Axmedov va viloyatimiz vakillari yarmarkada tashrif buyurgan xorijiy delegatsiya a'zolarini Farg‘ona viloyati stendida kutib olib, mehmonlarga viloyatimizning turizm salohiyati, tabiiy va madaniy boyliklari, shuningdek, yangi turistik yo‘nalishlari bilan yaqindan tanishtirishdi.

Tashrif davomida, tomonlar o‘zaro fikr almashib, yangi hamkorlik aloqalarini yo‘lga qo‘yish va viloyatimizga xorijiy turistlarni jalb qilish bo‘yicha kelishib olishdi. Ushbu yarmarka doirasida erishilgan kelishuvlar va imzolangan shartnomalar Farg‘ona turizmining yanada rivojlanishiga katta hissa qo‘shadi.

Yarmarka davomida o‘tgan samarali muzokaralar va yangi hamkorliklar viloyatimizning global turizm bozorida o‘rnini mustahkamlash va sayohatchilarni jalb qilish uchun katta imkoniyatlarni ochdi.

Turistlar oqimi tobora oshayotgani aviatsiya va temir yo‘lda yo‘lovchi tashish quvvatini 2 barobar ko‘paytirishni taqozo etmoqda. Shu bois, 2026-yilda aviaparkdagi havo kemalarining soni 120 taga yetkaziladi. 
 
Mahalliy aviaqatnovlarni oshirish uchun subsidiyalashning yangi tizimi joriy etiladi. Endi narxidan qat’i nazar, sotilgan har bir chipta uchun aniq miqdorda subsidiya ajratiladi. Bu chipta narxini pasaytirish va talabni oshirishga xizmat qiladi. 
 
Shu bilan birga, yangi samolyotlar uchun uchuvchilar, ularga texnik xizmat ko‘rsatuvchilar, aeroportlar uchun servis va boshqaruv sohasida malakali mutaxassislarni tayyorlash maqsadida Fuqaro aviatsiyasi universiteti tashkil etiladi. 
 
Ichki temir yo‘llarni rivojlantirish bo‘yicha besh yillik dastur qabul qilinadi. Shaharlarni tezyurar poyezdlar qatnovi bilan bog‘lash uchun 2026-yildan yana 500 kilometr temir yo‘l qurilishi boshlanadi. 
 
Kelgusi yili 110 kilometr temir yo‘l tarmog‘i qurilib, Bo‘ka, Piskent, Bekobod, Boyovut tumanlari hamda Nurafshon shahri poytaxt bilan bog‘lanadi. “Toshkent – Samarqand” yo‘nalishida yuqori tezlikda harakatlanadigan yo‘lovchi poyezdlar uchun yangi temir yo‘l liniyasini qurish boshlanadi. 
 
Toshkent, Samarqand, Buxoro, Xiva, Navoiydagi vokzallar ham xususiy sheriklik uchun beriladi.

Joriy yilning o‘zida xizmatlar hajmi qariyb 15 foizga o‘sib, 82 milliard dollarga yetdi. 
 
Xizmatlarga bo‘lgan talabni rag‘batlantirish uchun 2026-yilda sohaga 85 trillion so‘m kredit, 9 trillion so‘m subsidiya ajratiladi. Xususan, ta’lim xizmatlari uchun budjetdan 7 trillion so‘m beriladi. 
 
Keyingi besh yilda xorijiy turistlar sonini 2 karra oshirish, turizm xizmatlari hajmini esa 20 milliard dollarga yetkazish bo‘yicha katta marra olinmoqda. Shu maqsadda turizm infratuzilmasini rivojlantirishga alohida e’tibor qaratiladi. 
 
Samarqandda Bibixonim, Registon majmualari, Amir Temur maqbarasi, Ulug‘bek rasadxonasi, Shohi Zinda va Afrosiyob muzeyini bir-biri bilan bog‘laydigan zamonaviy yo‘lak va ko‘priklar barpo etiladi. 
 
Shahrisabzda G‘elon yirik turistik majmuasining birinchi bosqichi ishga tushiriladi. Pop tumanida Arashan tog‘ dam olish turistik zonasi tashkil etiladi. 
 
Xivadagi Ichanqal’a immersiv, ya’ni jonli va “aqlli” muzey-shaharga aylantiriladi. 

Xorazm va Qoraqalpog‘istondagi arxeologik yodgorliklar bo‘ylab yirik turizm halqasi tashkil etiladi.

Shuningdek, yangi yilda tadbirkorlar tomonidan 4 milliard dollarlik 3,5 mingdan ziyod yangi servis obyektlari ishga tushiriladi. 
 
Turizm maskanlarini tashkil qilish uchun kelgusi uch yilda 5 ming gektar yer auksionga chiqariladi. 
 
Bundan tashqari, 2026-yildan “O‘zbekiston merosi mehmonxonalari” dasturi boshlanadi. 
 
Madaniy meros obyektlarida xususiy sheriklik asosida “butik mehmonxona” tashkil qilish uchun nufuzli mehmonxona tarmoqlari olib kelinadi. Dastur ishtirokchilariga yer, mulk, foyda soliqlari va bojxona to‘lovidan imtiyoz beriladi. 
 
Mana shu ishlar hisobiga 2026-yilda xizmatlar bozori 100 milliard dollardan oshiriladi.

 (https://president.uz/oz/lists/view/8834)